揭幕战沙特　俄罗斯太太团先赢一仗

世界盃东道主俄罗斯今晚揭幕战亮相，出战沙特阿拉伯，虽然佢哋嘅实力系"有限公司"，唔少球迷更觉得俄罗斯出到线已经收货，不过呢班球员其实个个都系大赢家，事关佢哋无论踢出乜嘢成绩，返到屋企都有个超索另一半安慰，想唔开心都几难呀！

要数俄罗斯最索嘅WAGs(Wives And Girlfriends)，首选一定系老将施哥夫嘅老婆Inna，28岁嘅Inna早前喺俄罗斯网上杂志《Spletnik1》投票中，获选为俄罗斯最索WAGs，虽然佢已经生咗3个BB，但依然Keep住火辣身材，封后实至名归！

Inna喺世界盃前就曾经同Victoria Lopyreva(史莫洛夫老婆)及Maria Eshchenko(艾斯真高女友)为杂志《MAXIM》拍摄性感打气相，相当精彩！

第2位系门将艾坚菲夫的伴侣Katerina Gerun，31岁嘅Katerina唔单止系Model，仲系一个精通多国语言嘅化学家，名副其实嘅美貌与智慧并重！